" උබ කවද්ද ආයේ එන්නෙ ?? " අමිලයා ප්‍රශ්න කලේ මගේ නිවසේ වැට ලගදීය ..
" ම්ම්ම් .. ඊලග මාසෙ තමයි බන් ... දැං හෙට හවස යනව " මා ඔහුට පිලිතුරු නැගුවෙමි .
PREVIOUSLY ON JIMMY RAAJ KUMAAR :-
" මේ බං ... අර අලුත් මිස් .. චීස් කෑල්ල බං ... කිරිගරුඩ වගේ ...!"
" සිරාද බං ඒකිව දැක්කද උබ ?? ..."
PREVIOUSLY ON JIMMY RAAJ KUMAAR :-
සුදු අතට දමා සිටි ඔරලෝසුවෙන් වේලාව බැලූ පසු ඇය මා දෙසට හැරුණු පසු මා හට භූමිකම්පාවක් ඇතිවෙන්නාක් මෙන් ශරීරය නොසන්සුන් විය .. ඉන්පසු මගේ කටින් ඉබේම
" උදේශිකා ..!! " යන වචනය පිටවිණි ..
------------------------------------------------------------------------------------------------------------
" උදේශිකා ...!! ..." දෙවැනි වතාවේ එය හඩ නගා කියවිණි .. ඇගේ හංස රුව එක් වැරම හදුනාගන්නා එක මට අමුතු දෙයක් නොව .. මගේ හිතේ සෑමවිටම ඇදෙන රූපය උදේශිකාගේ රුපයයි.. එය වරදින්න කිසිසේත්ම හේතුවක් නැත .. ඇගේ නම දෙවනි වතාවේ කිව් පසුව ඇය මදෙස බලන්නට වූවාය .. ඇයද වදනක්වත් පිට නොකර මගේ මුහුණ දෙස ටික වේලාවක් බලා සිටියේ කව් බෝයි චිත්‍රපටයක ජවනිකාවක් යන්නාක් මෙනි ....
" ජිමී ...! . ඔයා මොකද ?? ..." අවසන් වචන ටිකද පිට නොකල ඇය මා දෙස පුදුමයෙන් බලා සිටියාය .. ඇගේ සුදු වත අතීතයේ කතරගම කිරිහට්ටියක් වුවද කාලයාගේ අවෑමෙන් ඇය ස්විස්ටර්ලන්තයේ වැනිලා අයිස් ක්‍රීම් එකක් ගානට තවත් රසවත්ව සිටියාය ...
" උදේශිකා !! .. ඔයා ?? ..." මා ප්‍රශ්න කිරීමට යනවිටම ඇයත්
" ජිමී ඔයා .." ලෙස ප්‍රශ්නයක් නැගීමට සැරසුනාය .. ඇයට ප්‍රශ්නය මගෙන් අසන්නට දී මා මොහොතකට නිහඩව සිටියේ මා හට ඇගෙන් නගන්න ප්‍රශ්න කන්දරාවක්ම ඇති නිසාවෙනි ..
" චතුරංග බණ්ඩාර කියන්නෙ ඔයාද ?? වෙන්න බෑනේ !! " ඇගේ සුදු අත් දෙක දෙපසින් ඉහලට කරමින් මේසය මත ව් කොලයක් දෙස බලා ඇය නැවතත් මවෙත බලන්නට වූවාය .. ඇයද මාගේ සත්‍ය නාමය කිසිසේත්ම දන්නේ නැත .. ඇය නිතරම මට ආමන්ත්‍රනය කලේ " ජිමී " යන නාමයෙනි ...
" ඒ මගේ ඇත්ත නම උදේශිකා .. "
" ඔයා ...??" කියා මා ඇගෙන් විමසන්නට ගියේ අවුරුදු දෙකකට අතුරුදහන් වූවේ කොහෙදැයි කියාය .. නමුත් ...
" ඇයි මිස් ප්‍රශ්නයක්ද ??? ! " දොරකඩ අසල වු සෙප්පඩ කාලකණ්ණි කැහුටු සේවකයා අප දෙදෙනාගේ මැද්දට පනින්නට විය . උගේ මීමුත්තාගේ නාමයන් පවා ඒ මොහොතේ මට සැනකෙනි සිහිවිය ..
" මේ චතුරංග බණ්ඩාර නිවාඩු දවස් අරන් වැඩී කියන්න ගියේ සුමනසිරි ...!! .. ප්‍රශ්නයක් නෑ !" කැරකෙන පුටුවේ යන්තන් පසෙකට වු ඇය සේවකයාට පවසද්දී .. ඔහු මට රවා නැවතත් දොරකඩට ඇදුනේය ....
" ඉතින් ජිමී .. ඔයාවනම් මට හැමවෙලේම මතක් වෙනව .. ඔයාගෙ විහිලු වැඩ තමයි .. " උදේශිකා මා හට එසේ පැවසුවේ සේවකයා දොරකඩට ගිය පසුවයි .. ඇයව මට මතක් වන තරමටනම් මාව ඇයට මතක් වෙන්නට නැතැයි මා සිතින්ම සිතගත්තෙමි ..
" ඔයාවත් ...! " උදේශිකා දෙස මෙවර මම බැලුවේ හෙනම කැත ලුක් එකකිනි...
" ඉතින් .. ඔයා කොමස් කරල මොකද අපෙ බාප්පිගෙ ගාමන්ට් එකේ වැඩ කරන්නේ ...?? " එම ප්‍රශ්නය ඇසීම මා හට ඇස්වැසිල්ලක්ම විය .
" මං ආවේ ඔයා හින්ද ...!! " එම වදනෙන් පසු සිනා වෙමින් සිටි ඇගෙ මුහුනේ ඉරියව් යාන්තමින් වෙනස් වනවා මම දිටිවෙමි ..
" මං හින්දා ?!! " ඇය ප්‍රශ්නය නැගීමට යද්දිම අර කැහුටු සේවකයා නැවතත් අප දෙදෙනා අතරට නැවත දිව ආවේ මගේ උරහිසේද හැප්පෙමිනි .....
" මිස් රත්මලාන සයිට් එකේ පෙරේරා මහත්තයා අවිල්ලා ඉන්නව ..මිස් හම්බෙන්න ...!! " ඔහු පවසන විටම ඇය ඇගේ කොංඩය දෙපසට පිරිමදිමින් ...
" එන්න කියන්න සුමනසිරි !! ..." යැයි පැවසීය .. නැවත වරක් මා දෙසට හැරුණු ඈ ...
" ජිමී .. පුලුවන්නම් මාව හවස මීට් වෙන්න ! .." ඇය බිත්තිවලටවත් නොඇසෙන පරිදි රහසින් මට කියන විට හින්දි ෆිලුමක මෙන් සුලගට මගේ කොංඩය ඉහලට ගසා යන්නට විය .. දෑස ඇර බලන විට ඇය ඇගේ මේසය මත වූ විදුලි පංකාව ක්‍රියාත්මක කොට ඇත .... මමද එකපයින් ඇයගේ කතාවට එකග වී වීදුරු දොරින් එලියට දුටුවේ විදුලි පංකාව නිසා විසිරුණු මාගේ පිස්සෙකු වැනි කොංඩයයි ...
-------------------------------------------------------------------------------------------------------------
මා සතුටින් ඉපිලෙමින් පඩිපෙල දිගේ බැස ගියේ මාගේ පවිත්‍ර ප්‍රේමය වූ උදේශිකාව අවුරුදු දෙකකට පසුව හෝ හමුවු නිසාවෙනි ..නමුත් දත් විරිත්තාගෙන මටත් වඩා සතුටින් ආ ගයියා මවෙත කඩා පැන්නේය ...
." අඩෝ චතුරංගයා .. මාතර කෑල්ල නම්බරේ ගත්ත බන් !! ..." ඔහු මාතර කෑල්ල ගැන නැවතත් හෑල්ලක් පටන් ගත්තත් මට ඒවා නෑසුනේ මම උදේශිකා සමග සිටින දර්ශන සිතින් මවා ගත් නිසාවෙනි .. ඔහුටද උදේශිකා ගැන එක් වරම පවසන්නට නොගියේ ඔහුගේ කට ගැන මා හොද හැටි දන්නා නිසයි .. උදේශිකාව හම්වෙනු පිණ්iස සවස ඔපීසියට ඇදුනද රැස්වීම තවමත් ඉවරව තිබුනේ නැත .. රාජකාරිය ඉවර වී වැඩපොලේ සිටින්නට ගියේ ඇයව ඒත් සමු නොවූ නිසාවෙනි .. නමුත් කැහුටු සේවකයාගේ උකුසු ඇස් වලට අපව මාට්ටු වූ නිසා බෝඩිමට සෙමෙන් ඇදෙන්නට වුනෙමු ... ගයියා පාරේ ඇදෙන විට ඔහුගේ ඉදිරි සැලැස්ම මෙසේ පවසන්නට විය ...
" මම මාතර කෑල්ලත් ඇරගෙන අද හෙටම පනිනව මාතර .... ඒකි මෙහෙ හිටියට ඒහෙ ඒකිගෙ තාත්තට කඩයක්ලු බං ..මම යනව ඒකිවත් ඇරන් එහෙ වැඩට .. උබත් ඕනෙනම් වරෙන් ...!! "
" එක්කන් පලයන් ..එක්කන් පලයන් ... ඒක නෙමේ බන් ..උබ අලුත් මිස් නැවතිලා ඉන්න පොට් එක දන්නවද ?? " මා ගයියාට අමුත්තක් නොදැනෙන පරිදි ඔහුගෙන් ප්‍රශ්න කෙර්වෙමි .
" ම්ම් වැඩපොලේ කොල්ලෙක් එදා මට කීව බන් .. මට අමතකයි පොඩ්ඩක් .. උගෙන් අහල කියන්නම් .. උබට ඇයි ඒක ?? "
" පොඩි වැඩකට බන් .. උබ අහල කියපංකො එහෙනම් ..." මා ඔහුට පිලිතුරු දුන් පසු නැවතත් මාතර කෑල්ල පිලිබද මට අසා සිටිනට සිදු විය ... බෝඩිමට ආ පසුවද දුරකතනය අසලින් නොසෙලුනු ඔහුට මාතර කෑල්ලගෙන් ඇමතුම ලැබුණි ... ඔහු පැයක් පමණ මලක් කඩා එන තුරු මම ඇදට වී කල්පනා කරමින් ඉන්නට වුනෙමි .. මල කැඩූ පසුව ඔහු සුබ ආරංචියක් මවෙත ගෙනාවේය .. ඒ උදේශිකා නැවතී සිටින හෝටලය පිලිබදයි .. එයින් අමන්දානන්ද වූ මා සුලු මොහතකින් ගයියාට මෙසේ කියන්නට වුනෙමි ..
" ගයියා .. අද රෑට පොඩි ගමනක් යංද ???"
" කොහෙද කොහෙද ?? කොල්ල දං ෆුල් හැපියෙ ඉන්නෙ ... මැරෙන්න උනත් එනවා " යි කියමින් ඔහුගේ අතින් පපුවට තට්ටු කරගන්නා ගමන් පැවසුවේය ..
" උබ දැං කිව්ව අලුත් මිස්ලගෙ හෝටලේට බං .." මම හෙන සැහැල්ලුවෙන් ඔහුට කීවත් ඔහු ඒ වදනින් බිරාන්තාට්ටු වී මගේ මුහූණ දෙස ඇහැටුල්ලෙකු සේ බලා ඉන්නට විය ....
( මාතර කෑල්ලගෙන් ඇමතුම එන තුරු බලා සිටින ගයියා ^^^^ )
------------------------------------------------ මතුවට සම්බන්දයි ----------------------------------------------------------------------
කියැවූ සැමට ඉස්තූතිය ... මීලග 06 වෙනිදා සීසන් 02 අවසන් කරනවා .. ඊලග දවසේ උදේශිකාගේ හෝටලයට පනිද්දී සිදු වෙන්නේ මොනාද කියල බලාගමු .. රැදිලා ඉන්න ... ආ අවසන් කොටසේදී ප්‍රශ්නයක් අහන්න ඉන්නේ .. නිවැරදි පිලිතුරට මගේ ගාණෙ පොඩි තෑග්ගක් දෙනව දිනන කෙනාට ... ඉක්මනට පිලිතුර දෙන කෙනා තමයි ජයග්‍රාහකයා ....
ජයිවේවා !!
No comments:
Post a Comment