--------------------------------------------------------------------------------------------------------------------------
PREVIOUSLY ON JIMMY RAAJ KUMAAR :- මට අමිල සියල්ල පැහැදිලි කර දුන්නේය . දනුක උදේශිකාගෙ පෙම්වතාය . රාජන්ස් රග්බි කන්ඩායමේ නායකයාය . සල්ලි අතින්ද ශරීරයෙන්ද ඔහු මට වඩා දෙගුනයක් ඉදිරියෙනි .
--------------------------------------------------------------------------------------------------------------------------
PREVIOUSLY ON JIMMY RAAJ KUMAAR :- අප හතර දෙනා දැක්ක දර්ශනෙන් ඩිම් වූහ .දනුකගේ එක් අතක කලු ගලකි . බිම තව කලු ගලකි .. එය මැද චීන පටස් කරලකි . ඔහු ඉදගෙන චීන පටස් පුපුරවයි .
--------------------------------------------------------------------------------------------------------------------------
PREVIOUSLY ON JIMMY RAAJ KUMAAR :- "හ්ම්ම් " කියමින් ඇය මගේ සාක්කුවට අත දාන්නට විය . මමද දෑස පියාගත්තේ සිදුවන දෙයක් වෙන්නට ඉඩ හරිමිනි .
" හම්බුනා යැයි" පවසමින් ඇය මාගෙ දුරකතනය හැද එලියට ගත්තාය .
--------------------------------------------------------------------------------------------------------------------------
පිටුපසින් ආ පොලිස් රතයටත් වෙට්ටුවක් දමමින් මා ඉදිරියට යන්නට වුනෙමි . මාගේ කාර් රතය පිටුපස මොවුන් විනාඩි 10ක් පමණ පන්නන්නට විය .ඉදිරියෙන් ඔහුගේ කාර් රථය යනු දිස්වුණි . මමද කාරයේ වේගය වැඩි කරමින් ඔහුව ලුහුබදින්නට වුනෙමි . නමුත් අවාසනාවකට පොලීසියට හසුවී ඔහුව මග හැරුනි . මා හට එක්වැරම ආ කෝපයට Game එකෙන් Exit වී එය ඩිලීට් කර දමන්නට විය . මේ සති දෙක පුරාවට ඇය නොදුටු නිසා සිත දුකින් , සැකයෙන් , කෝපයෙන් පිරී තිබිනි . ඇය හමුවෙන්නට තිබුනේ බුකිය සහ ඉරිදා පංතිය පමණි . නමුත් මේ ගෙවුණු සති දෙක පුරාවට ඇයව එහිදී දක්නට නොලැබිණි .
" මචං රජවත්තට ගිහින් එමුද ? " උදෑසනින්ම මා දිල්ශාන් ගෙන් විමසන්නට වූයේ ඇගේ නිවස අසලට හෝ යෑමේ අපේක්ශාවෙනි .
" මචං මං අක්කලාගෙ ගෙදර ආව බං " ඒ ඔහුගේ පිලිතුරයි . ඉන්පසු ඒ කෙටි පණිවුඩයම බාතියට යොමු කලෙමි .
" හ්ම් .. බස් එකට ටිකට් කඩපං .. කන්න ඇරං දියං "
" හරි හරි බං 9 වෙද්දි බස් හෝල්ට් එකට වරෙං " යැයි පිලිතුරු දුන්නෙමි. මා හට සිතට සංතෝශයක් දෙන්නට බාතියට හැකි විය . විගසින් ඇදෙන් බැස දත් මදින්නට පටන් ගත්තෙමි . ඇයගේ නිවසේදී වූ සිදුවීම් මතක් වන විට එලියට ගසන කෙල නොදැනුවම ගිලෙන්නට විය .
" කොහෙ යන්නද ලෑස්තිය ? " නිවාඩු දිනයක දත් මදින නිසා මව මාගෙන් විමසුවාය.
" මැච් එකක් ගහන්න ... ටූ .. ර මන්ට් ... "
" ටූ .. රමන්ට් කර කර හිටපං .. විබාගෙට බැට් බෝල ගැන ලියපං .. ටූරමන්ට් ... " මුහුන සෝදා නිම වන තුරුම ඇයගේ දෙහි කැපිල්ලට සවන් දීමට මට සිදුවුනි . කහ කමිසය සහ ඩෙනිම හැදගත් පසු මා ටවුමට දිව යන්නට විය . කුනුහරුප විමානයකට මා කන් දෙක සූදානම් කර ගත්තේ ඔහුට කිව් වෙලාවට වඩා විනාඩි 20ක් පසුවූ නිසාවෙනි . මව විසින් ටූරමන්ට් ගෙන යෑමට බත් පාර්සලය බදින තුරු බාතියගේ වදන් මැවි මැවී පෙනෙන්නට විය.
_________________________________________________________________________________
" මොකද හු** ෆෝන් ආන්සර් කරන් නැත්තේ .. තියපං ඔය ජාවා ගඩොලෙ කෝච්චියට "
" හදිසියේ බන් ආවේ "
" හදිසිය ප* තමා හදිසිය "
" හම්මේ උබ සිගරට් එකක් ගැහුවද ? ගද එනව .. අපෝ " අවංකයෙන්ම ඔහුගේ මුවින් දුම් වැටි සුවද ගලා ආවේය .
" උබ එනකම් මෙතන පොල් ගාන්නද .. ගියා අංකල්ගෙ කඩේට " එසේ දෙබස ගලා යද්දී අප දෙදෙනා රජවත්තට යෑමට බසයකට ගොඩ වුණි . රජවත්තට ටිකට් දෙකක්ද කැඩූ නමුත් බාතිය අප යන ස්තානය ගැන කිසිවක් දන්නේ නැත . ඇයගේ නිවසට යන තුරු ඉවසිල්ලක් නොවුනි . මා සිහින සාගරයක ගිල්වන්න උඩ ස්පීකරෙන් ඇසුනු බස් අජිත්ගේ හඩට හැකිවිය .
ගමනාන්තයෙන් බැසගත් අප දෙදෙනා රජවත්ත ලේන් එකෙහි සුවිසල් මන්දිර ඇතුලෙන් පියනගන්නට වුනෙමු . බාතිය මුව අයාගෙන නිවාස තුල සිටින ඇන්ටිලා දෙස බලමින් ගමන් කරද්දී උදේශිකාගේ නිවස අසල ඇති පේර ගසෙන් පේර කොලයක් කඩාගෙන ඔහුට දිගු කෙරුවෙමි .
" මේ මොකද බං "
" ඕක කාපං තොගෙ ගද යන්න " ඔහුට පේර කොලයක් දුන් පසු මමද නැවුම් පේර දල්ලක් මුවට ඔබාගතිමි .
" කොහෙද බං මේ අපි යන්නේ "
" සොනක්ශි සිං ලගෙ ගෙදර .. ඒකි දැං ලංකාවෙනෙ ඉන්නෙ " එසේ කිව් පසු සොනක්ශි සිංහා පිලිබද සම්පුර්න වාර්තාවක් දීමට මට සිදු විය . ඔහු බොලිවූඩය ගැන කිසිවක් දන්න පුද්ගලෙයෙක් නොවීම මගේ අවාසනාවකි .
____________________________________________________________________________________
කතා බස් කරමින් ඇයගේ ගේට්ටුව අසලටම යැවුනි . නමුත් ගේට්ටුව වසා තිබිනි . ඉහල මාලයේ ජනෙල්ද , සෑම දොරක්ම තිබුනේ වසාය . අප වැඩ කිරීමේදී ඉදිවෙමින් තිබූ ගොඩනැගිල්ලද තිබූ පරිදිමය . ඇයගේ නිවස තුල කිසිවෙකු සිටින බවක්ද දක්නට නොමැත . මාගේ මොලයට ඇය ගැන තොරතුරක් හොයාගැනීමට කුප්ප අදහසක් පැමිනෙන්නට විය . ඒ අසල ඇති නිවසකින් ඔවුන් ගැන තොරතුරක් ලබා ගැනීමය . සිගරට්ටුවක් අරන් දීමට පොරොන්දු වෙමින් .. තව ඝනකම් බටර් තලියක් ගෑමෙන් පසු බාතිය එය ඉශ්ට කිරීමට එකග වුනි .. ඔහු එම නිවසක් ඇතුලට බොරුවක් උගන්නමින් ඇරලූ පසු මා එම නිවසේ යෝද ගෙට්ටුවට හේත්තු වී සිටියෙමි . තප්පර දෙකක් ඇතුලත දරුනු ගනයේ බල්ලන් බුරන හඩක් ඇසෙන්නට වූ නිසා මම ගේට්ටුව තුලින් එබී බලුවෙමි . දිවගෙන එන සුලු වේගයකින් බාතිය ඇවිද ආවෙ .. " යමං යමං " යැයි අතින් පෙන්වමිනි . එලියට ආ පසු බල්ලන් හට බැන වදිමින් පාරේ තිබූ ගල් කැබලි රැගෙන ඔවුන්ට පහර දෙන්නට විය . මමද ඔහුට සහය දීමක් වශයෙන් ඔහුවම අනුගමනය කරන්නට විය . අවසානයේ අප දෙදෙනාට සිදුවූයේ රජවත්ත ලේන් එක ඉවරවෙන තුරු " තුරු සුනකයින්ගේ " ග්‍රහනයෙන් මිදීමට දිව යෑමයි . වාසනාවකට ආ ලංගම බස් රතයකට අප දෙදෙනා හති අරිමින් ගොඩ වුනෙමු . කැටපිටිය ටිකට් එකක් පමනක් කැඩුවේ මා හට සීසන් පතක් ඇති නිසාවෙනි . ඔහුට සිගරැට්ටුවක්ද ඇරන් දුන් පසු පසු දින පංතියේදී මුන ගැසීමට කතිකා කරගෙන නිවස කරා පියමැන්නෙ මාගෙ අනෙක් සැලැස්ම සැලසුම් කරගනිමිනි .
_____________________________________________________________________________________
පසුදින උදෑසන 7:10 ට අවදි වු මා පංතියට දිව ගියේ දෙවැනි සැලැස්ම දියත් කිරීමටයි . එය වැරදීමට කිසිම හේතුවක් නොමැත . මා පංතියට ඇතුලු වද්දිම . මාර ගස යට සිටි අමිල
" මොනාද යකෝ බලු වැඩ කරන්නෙ ?" යැයි උපහාසාත්මකව විමසන්නට විය .
" ඇයි මොකක්ද කේස් එක ...? "
" මූව තව ඩිංගෙන් බල්ලෝ කාලානෙ ඩෝ මැරෙන්නෙ . පොලීසියෙන් වෙඩි කාලා මැරෙන්න ඉන්න එකා මූ " කියමින් සිනාසෙන්නට විය . දිල්ශාන්ගේ සිනාහවේ සහයද ඔහුට නොඅඩුව ලැබිණි . මමද ඔවුනගේ සිත සතුටු කිරීමට " හහ් හ " යැයි පොඩි ශබ්දයක් නිකුත් කෙරුවෙමි . මා හට දනුක දූටු පසු දෙවැනි සැලැස්ම ක්‍රියාත්මක කිරීමට කාලය එලබ ඇතැයි වැටහිනි . ඔහු හා ඔහුගේ යහලුවන් සිටින ස්තානයට මා තනිව යද්දී මගෙ මිතුරන් තිදෙනාත් පිටුපසින් එන්නට විය . දනුකගේ මිතුරන් අප ඔවුන් දෙසට එන විට සිටියේ "කන්න වගේ" බලමිනි . තවකෙක් අතේ කරගැට කඩයි . ඒවා මායිම් නොකල මා දනුක ගාවට ගිය පසු
" දනුක .. උබත් එක්ක පොඩි දෙයක් කතා කරගන්න තියනව " එසේ පැවසුවේ ඔහුගේ ඩයිනෝසර් අතට තට්ටුවක්ද දමමිනි .
" ආ කියපං " ඔහු ස්මාර්ට් දුරකතනයේ වැඩක යෙදෙමින් එසේ පවසන්නට විය .
" තනියම බං කතා කරන්න ඕන " මම එසෙ කිව් පසු ඔහු මා සමග පංතියේ වැසිකිලිය අසලට යන්නට විය .
" මොකක්ද .. දැං උබට වෙන්නෝන ?? "
" මචං .. උදේශිකා .. උ .." එසේ කීමට මත්තෙන්
" පොඩ්ඩක් හිටපං .. උබටද අර ජිමී කියන්නෙ .... ? අර පිස්සි මට උබව කියල තියෙයියි . උබ අර 1000ක් දීපු එක .. ලගකදි උන්ගෙ ගෙදර ගියපු එක .. ඒ උබනෙ ?? උබ ලවුද ඒකිට ? " දනුක එසේ පවසද්දී ඔහුව සිපගන්නට තරම් සංතෝශයක් සිතට දෝර ගැලුණි .
" පිස්සුද බං උබෙ කෙල්ලට ..."
" උබටත් පිස්සුද බං ? උබ හිතුවද මං ඒ පිස්සි එක්ක සෙට් කියලා "
" පිස්සු .. ඇයි බං පිස්සු කියන්නෙ ..?" මට ඒ වචනය ලොකු ප්‍රශ්නාර්තයක් වූ නිසා මුවින් පිටවුණි .
" අනේ උබ මහ ලොකුවට ලවු කරනවා .. පංතියේ බාගයක්ම දන්නවා ඒකිගේ මොලේ කචල් කියලා ..උබ දන්නෙ නැද්ද ?" ප්‍රශ්නාර්තයක් ව තිබූ ප්‍රශ්නය දෙගුණ වන්නට පටං ගත්තේ එතණිනි .
" මොලේ කචල් .උබ දාගෙන හිටියෙ එහෙනම් ? "
" අයියෝ ඒකි නිසා මං පට්ට චාටර් වෙලා තියේ බන් . ක්ලාස් එකේ ඒකිගෙ නම කියල කෑගහන්න වුණා . පාරෙ කෙල්ලෙක්ට කතා කලා කියල පාරෙදි ඒ කෙල්ලට ගැහුවා . අර අතන ඉදගෙන චිනපටස් පිපුරුවා ... "
මට ඔහු එසේ පවසද්දී ඇය යහලුවන්ට බැන වදිමින් පංතියේ පිටුපසට ආ හැටි .. ඇයගේ නිවසේදී වූ සිදුවීම් එකිනෙක ගලා එන්නට විය . ඇයගැන තවත් විස්තර ඇසීමේදී දනුක පැවසුවේ ඔහු ඇයව කුඩා කල සිටම හොදින් දන්නා අයෙකු බවයි , කුඩා කාලයේදීම ඇයට රිය අනතුරකින් වූ හිසේ ආබාදයකින් ඇය එසේ සිදුවූ බවත්‍ පවසුවේය . . මුලින් පිලිගැනීමට අපහසු වුවද පසුව මා හට සියල්ල වැටහුනි .ඇය නිවස දමා කොලබ පදිංචියට ගොස් ඇත්තේ ඇගේ පියා විසින් සහෝදරයාට එම නිවස බාර දුන් පසුවය . නැවත ඇය රජවත්තටත් , මාගේ දෑසට හමු නොවුනත් .. තාමත් හදවතේ සිටින්නේ උදේශිකාම පමණි.
------------------------------------------------------------------- නිමි ---------------------------------------------------
විශේශ ස්තූතිය :- බ්ලොග් එක පටන් ගත්තට පස්සෙ . හැදින්වීමත් එක්ක කොටස් පහක් ( මේ කොටස නැතුව ) ඒක දැනට 657 දෙනෙක් බලල තියනවා .. ඒ කට්ටියට හදවතින්ම ස්තූති වෙනවා ..තව බුකියේ ඉන්බොක්ස් එකෙන් ගුණ අගුණ කියපු හැමෝටමත් ස්තූතියි .. අපි තව කතාවකින් හම්බෙමු එහෙනම් :D සුබ සුබ ඈ ...!!!
ආ මෙන්න මං ගානේ සිංදුවක් .. අහල නැති අය ගන්න Sarre ke Fall sa සිංහල වර්ශන් එක .
https://db.tt/0EW7AUEy ගුඩ් බායි ...!!!
