ලස්සන මල් යායක් .. සමනලුන් රෑනක් .. ලස්සන ගගක් .. ඒ ගගේ මාලුවෝ ,, තාරාවෝ ,, කක්කුට්ටෝ ,, කිබුල්ලු ,, හැමෝම එකා වගේ සංතෝසෙන් ඉන්නවා . මායි උදේශිකයි ,, අපි දෙන්නා ගග පාමුල ආදර බස් තෙපලනව .
" අර ඕලු මල හරි ලස්සනයි "
" හ්ම්ම් .. ඒත් ඔයා තරම් ලස්සනක් ඒ මලේ නෑ .." ඒ මම . ඇත්තටම උදේශිකා තරම් ලස්සන කෙල්ලෙක් මට වෙන නෑ
" අනේ .. ඇත්තමද .. ? "
" ඔව් පැටියෝ .. ඉන්න මම ඒ මල ඔයාට ඇරන් එන්නම් සටස් ගාලා " එසේ පවසමින් මා ඇද සිටි ඩෙනිම දනහිස දක්වා නැමුවෙමි ..
" අනේ චතුරංග .. ඔය ගගේ කිබුල්ලු ඉන්නවා .... ! අනේ වස්තුවේ ඉන්න .. " ඇය හඩා වැලපෙයි
මට හිතුනේ එකම එක දෙයක් පමනි .. ඒ අර ටී වී එකේ යන සිංගර් ඇඩ් එක .. " ගෑනු කවද්ද හිතෙන දේ කිව්වේ ..." .... " නෑ පැටියෝ ඔයා බයවෙන්න එපා . කිබුල්ලුන්ගෙ බඩ අතගෑවම එයාලගේ ඇස් පියවෙනවා . ඔයා දන්නවනේ .. මට ඕන කෙනෙක්ගේ බඩවල් අතගාන්න පුලුවං විත්තිය " ?
" Hmmm " ඇගේ පිලිතුර එපමනයි
මම වට පිට බලමින් පිය නැගුවෙමි . බෝට්ටු පදින තොටියෙක් ගගේ කෙලවර සිටියි . අවුරුදු 45ක් පමන ඇති සිහින් සිරුරක් ඇති මට වඩා ටිකක් මහත මෑන්ස් කෙනෙකි .
" අංකල් .. ඔය බෝට්ටුව පොඩ්ඩක් දෙන්න බැරිද ? අර මලක් තියනව කඩං එන්න "
" ඔහේ කවුද ? " අංකල්ගේ මුවින් පිටවුනේ එච්චරයි. මම ක්‍රියාත්මක වුනෙමි .
" අංකල් ෆේස්බුක් ඉන්නවද ? මම ඒකේ ජිමියා .. "
" අම්මටසිරි .. මට අදුරගන්න බැරිවුනානේ ,, ආ පුතා බෝට්ටුව " . ඔහු සිනා මුසු මුහුනින් මට බෝට්ටුවට යෑමට අවසර දුන්නේය.
------------------------------------------------------------------------------------------------------------
" ඒ නැගිටපං .. මූ අදත් කිරි එකෙං කට හෝදලා .. වතුර බීලනේ .. නැගිටහං අද ක්ලාස් .."
මම වටපිට බැලුවේ කෑ ගසමිනි .. මං හිතුවේ බෝට්ටුවේ යන ගමන් කියාය , නැත. මම වැරදි . ඒ ගෝරනාඩුව මගේ මවගෙනි .
" වෙලාව කීයද ?? " ඒ මගේ පැනයයි
" 7:10 යි .."
මම සරමත් හැද ගනිමින් ඇදෙන් බිමට පැන ගියේ බාත් රූම් එකටය . ඉරිදා දවස තමයි මගෙ ආසම දවස . මොකද උදේශිකා බලන්න පුලුවං එකම එක දවස එදා නිසාය . ඇය ක්ලාස් එනවාද නැද්ද හරියටම බලාගන්න පුලුවං FB එකෙං . මොකද එයා ක්ලාස් එනවනම්
' ගුඩ් මෝනිං කස්ටියටම .. අඩ උඩේම උඩේශිකා ක්ලාස් යනවා . හවස තමයි එන්න වෙන්නේ .. බායි , උම්මා '
කියල ස්ටැටූ එකක් අප්ඩේට් කරනව . මාත් ඉතිං දත් මදින ගමන් බුකියට ගොඩ වුනා . Notifications, Masseges කිසිවක් නොබලා කෙලින්ම ගොඩ වුනේ මා විසින් ලයික් කමෙන්ට් ලක්ශ ගානක් දැමූ ඇගේ අකවුන්ට් එකටයි , වැඩේ හරි !! ... වචනයක් දෙකක් එහෙ මෙහෙ උනත් ස්ටැටූ එක දාලා .. මං එහෙම්ම දුරකතනය කාමරයේ කොට්ටෙ උඩ තබා දත් මැදගෙන මැදගෙන ගියෙමි . කෙසේ හෝ බාත් රූම් එකෙං එලියට එද්දී වෙලාව උදෑසන 8:00 වී තිබිනි . ලාවට තියන දැලි රැවුල ලාවට කපලා , සෑම ශැම්පූ ජාතියක්ම ගාලා කොන්ඩේ සෑදීමට ඒ කාලය වැය වී තිබිනි . .. මා සිටින්නේම සිහින ලෝක වලයි , ඇගේ සිනාව .... ඇගේ කතාවට ... මා ආකර්ශනය වී සිටියෙමි. .. සිංදුවක් මුමුනමින් මා කාමරයට යද්දී .....විනාශයකි !! මගේ මව කාමරයේ සිටින්නේ මගේ දුරකතනය අතැතිවයි . මම සද්ද නොකර හොරෙන් එබී බලද්දී සිටියේ උදේශිකා ලගදී බුකියට අප්ලෝඩ් කරපු ෆෝටෝ එකක් දෙස බලමිනි . ඇගේ මුහුනේ ඉරියව් ටිකෙන් ටික වෙනස් වනවා මට පෙනුනි . ඇස් දෙකම කුඩා කොට බලන්නේ එහි ඇති කමෙන්ට් දෙසය .
" උබ මේක තමා කරන්නේ .... හැම තිස්සෙම මේක අතේ තියං කෙල්ලෝ බල බල හිටපං .. " අම්මා මා දෙසට හැරුනාය
" නෑ අම්මා .. ඕක වෙන කාගෙද මගුලක් .. මට යන්න පිස්සු යෑ .... " එම වදන් ටික තරමක් තදින් කීවේ මම තදින් කියන දේවල් අම්මා පිලිගන්නා නිසාය .
" මොකාද මේ ජිමියා කියන්නේ .... පොත් පිටිපස්සෙයි බිත්තියෙයි හැම තැනම කුරුටු ගාලා තියෙන්නේ " ??
" මං දන් නෑ .. කවෘහරි යාලුවෙක් අදින්න ඇති පොතේ ....." මා මේ තෙපලන මුසා බස් වලට කුමන අපායක දොරක් විවුර්ත වේදැයි මා නොදනී :( .. කෙසේ හෝ 8:30 වෙද්දී කාලා බීලා නිමකල මා අතිශය දුශ්කර ගැටලුවකට මුහුන පා සිටියෙමි .. ඒ ඇදන් යන කමිසය පිලිබදවයි . අවසන් වරට ඇදන් ගියේ තද නිල් කමිසයද .. කහ කමිසයද යන්න මට ප්‍රශ්නයක්ව තිබිනි .. විනාඩි 5ක් පමන වැය කොට අල්මාරියටම ඇති කමිස දෙකෙන් කහ කමිසය තෝරාගත්තේ දහය විස්ස ගැසීමෙනි . ඩෙනිමක් ගැන මා එවැනි ප්‍රශ්නයකට මුහුන දෙන්නේ නැත . මන්ද යත් .. දුරට , ලගට ටව්මට , ඕන තැනකට ඇදීමට ඇත්තේ එක ඩෙනිමක් පමනක් වන නිසාය .
_________________________________________________________________________________
ටවුමට පැමිනෙන මා සැමවිටම බසයේ පිටුපස අසනයේ ගමන් කරන්නෙකි . එය තුල ජීවීතේටම කපල් දමා නොගිය මා තනිවම දහස් වාරයක් ගමන් කරමින් බස් රත තුල පෙම් කෙලින කුරුල්ලන් ඉදිරිපස ආසන වලට යවා ඇත . එය මාගේ කුප්ප කමයි .
" පීටිපස්සෙන් මාරු සල්ලී ගන්න ..... " ඒ කොන්දොස්තරයායි .. මම ඔහුගේ හඩ නෑසුනා සේ සිටින්නේ ඔහුට මා අමතක වී ඉස්සරහට යයි සිතාගෙනය . මොකද රු 16/= ක් කියන්නේ මං වගේ එකෙක්ට බර ගානක් වන නිසාය .
" ඔය මල්ලී කොහාටද .. ? " කොන්දා විමසුවේ මගේ අතට තට්ටුවක්ද දමමිනි .
මමත් බොරුවට කලබලෙන් මෙන් පවිත්‍ර වූ රු 16/= ක් ඔහුට පුද කෙලෙමි . ගමනාන්තයට ආවෙමි . මම උත්සාහ කලේ උපරිම ඩීසන් විදියට ඇඩ් එකක් දාගෙන ක්ලාස් එකට යන්නම් කියල හිතාගෙනය .ඩීසන් කම අඩි 5ක් යන්තුරු පමනි, මගේ ගොන් හැලපයෝ ටික පංතිය ඉස්සරහ මාර ගස යට සිට මා දෙස බලමින් මොනවා හෝ දොඩවනවා මට හැගිනි , ඔවුන් මගේ මුහුන දෙසත් සෙරෙප්පු දෙක දෙසත් මාරුවෙන් මාරුවට බලමින් සිටියි , මා උඩ ගියේ එවිටයි . මට පරන සෙරෙප්පු දෙකක් උනත් ඒ නසරානියන්ට මා දාගෙන යන සෙරෙප්පු අලුත් වන නිසාය .
" අම්මට හු ... ඩී ..... කීයඩ බං .. කොහෙන්ද බං " ???
" අක්කගෙද බං පට්ට ඈ .... "
" ඕකේ කලු එක පට්ට බං අපරාදේ "
ඔවුන්ගේ කරච්චලය අස්සේ මං දුටුවේ ඇගේ හංස රුවයි .. නිල් පැහැති ටී ශර්ට් එකක් සහ උන බම්බු ඩෙනිමට මට එයාව පෙනුනේ IPL එකට නටන සහෝදරියක් විලසිනි .
---------------------------------------------මතු සම්බන්දයි ------------------------------------------------
( මීලග එපොසිඩ් එක එලබෙන 31 වන දින පෙන්නනවා , එක්කෙනෙක් හරි ආසාවෙන් කියෙව්වනම් මම හදවතින් ස්තූති වෙනව . ලංකාවෙ පලවෙනි පාරට තමයි මෙහෙම බ්ලොග් එකක කතාවක් යන්නේ . මට පුලුවං උපරිම ලෙස මං කතාව ලියන්නම් , තෑන්ක්ස් - #ජිමියා - )
------------------------------------------------------------------------------------------------------------දෙවනි කොටසේදී ජිමියා ආදරේ ප්‍රකාශ කරයිද නැද්ද ? යාලුවෝ මොනවා කරයිද ? බලාපොරොත්තු වන්න
------------------------------------------------------------------------------------------------------------
