ඔවුන්ගේ කරච්චලය අස්සේ මං දැක්කේ ඇගේ සද වැනි රුවයි.නිල් පැහැති ටී ශර්ට් එකට සහ උන බම්බු ඩෙනිමට ඇය අද IPL එකට නටන අක්ක කෙනෙක් ලෙස මට පෙනුනි .
----------------------------------------------------------------------------------------------------------------
" අනේ ඔව් රුපියල් 1000/= ක් තමයි . මගේ අනෙක් ක්ලාස් එකේ සල්ලි මේ . තැන්ක් යූ අනේ. කොහම තෑන්ක් කරන්නද මන්දා " ඇගේ මිතුරිය පවසයි .
----------------------------------------------------------------------------------------------------------------
" අම්මපල්ල ඩෝ .. උබලට කියලා බෑ " අද දවාලේ මම කොච්චර මගේ පරම මිතුරන්ට පැහැදිලි කලද ඒවා සිහිනෙන් ගිය වාතයකටවත් ඔවුන් මායිම් නොකලහ . ඔවුන් සිතුවේම මා විසින් කෙබරයක් ඇද බාන බවය . අවසානයේ තීරනය වුනේ කුනු ඇලේ පොට් එකේ බෝතලයක් ගැසීමටය . මටත් පඩිසම් දී ඇත්තේ පූරුවේ කරුමයකි . නමුත් මගේ මනසේ පුංචි වීරකමකුත් සක්මන් නොකලාම නොවේ .
වෙනදා මෙන්ම සුපුරුදු පරිදි මවගෙන්ද බැනුම් අසාගෙනම නින්දට ගියෙමි . ඇස් දෙක පියාගත් විටම මැවෙන්නෙ උදේශිකාගේ ස්ක්‍රීන් ශොට් ටිකකි . තූහ් .. තූහ් අර බැටිස්ටා වගේ හිටපු හෝතබුවත් ඔලුවට එනවනේ ශේහ් .. ශේහ් හීනේ .. කෙසේ හෝ මම නින්දට ගියෙමි ..
" .. පුතා .. නැගිටින්න .. නැගිටින්න .. ෆේස්බුක් යන්න තියනවා ...."
හෑ ..... මම විගසින් අවදි වුනෙමි . වේලාව උදෑසන 7:10 යි . මාගේ මවද ලග පාතක නැත . එතකොට කව්ද මට ෆේස්බුක් යන්න කතා කලේ ?? එයද සිතින් අමතක කොට බුකියේ කරක් ගැසීමට ගියෙමි . වෙනදා මෙන්ම උදේශිකාගෙ ස්ටැටූ එකට බබරෙකු මෙන් ඇදුනේ ලයික් එකක් කොටා ඒමටය .
" සුබම සුබ උදෑසනක් යාලුවනේ .. ඔයාල දන්නවද .. අපේ නරක මිතුරන් අතර හොද මිනිස්සුත් ඉන්නවා ... ........... #respect ....... ummaa ...... "
දෑස් නිලංකාර විය . හම්මේ වස්තුව .. මේ දාල තියෙන්නෙ මං ඊයෙ කරපු වැඩේ ගැන .. මේකට මං රියල් එකෙනුයි ෆේක් එකකෙනුයි දෙකෙන්ම ලයික් කලා . දැං මගේ සිත කියන්නේම ඇයට මං කව්දැයි කියා මැසේජ් එකක් දැමීමටයි . සෑහෙනට කල්පනා කොට අවසාඅනයේ ඇයට මැසේජ් එකක් දැම්මෙමි . ඇගේ පිලිතුරක් අපේක්ශාවෙන් පැය දොලහකට ආසන්න පැය ගානක් වේලුනෙමි . රාත්‍රී අහාරයෙන් පසුව බුකියට ගොඩ වීමේදි ඇගේ පිලිතුර මට ලැබිනි. මගේ අනන්‍යතාවය මම එයට පැහැදිලි කෙරුවෙමි . ඇයද මා හා දිනෙන් දින මිතුරු වුනි.
මා හට ඉවසිල්ලක් නොමැතිව තිබුනේ හෙට දිනය එලබෙන තුරුය. හෙට තමයි ඇයව දකින ඉරිදා දිනය , අද තමයි ඒ ගැන හීන බලන දවස , මං අර ගංගාවම මවාගෙන මුල් රෑම සිහින දකිමින් නින්දට ගියෙමි .
" උදේශිකා ,, ප්ලීස් මාව අතාරින්න ... මට යන්න දෙන්න උදේශිකා ප්ලීස් .. අවසානයේ බැගෑපත් වී මම ඇගෙන් මිදී දුවන්නට වුනි , "
මම විගසින් අවදි වුනෙමි . මට කිනම් රෝගයක් වැලදී එත්දැයි මට නොවැටහේ . මන්ද යත් සෑමදම පිබිදෙනුයේ භයානක සිහිනෙයකිනි . තව පොඩ්ඩක් වෙලා හීනෙ බැලුවනම් මම ඉවරෙටම ඉවරයි . සමාජෙට මුහුන දීලා ඉවරයි . ( මං දන්නව ඔයාලත් දැන් නිදි කිරා වැටෙන බව . අවදියෙන් ඉන්න අහන ප්‍රශ්නෙට නිවැරදි පිලිතුර දෙන්න ) කෙසේ හෝ වෙනදාටත් වඩා උදෑසන සැන්ට් පවුඩර් ගාගෙන ක්ලාස් එකට ගියේ බලාපොරොත්තු පෙරදරි කර ගනිමිනි .
---------------------------------------------------------------------------------------------------------------
පංතියට ඇතුලු වෙද්දිම ඇගේ රුව විපරම් කරමින් ගියෙමි , ( ඇස ගැටෙනා දස දහසක් නෙතු මත ... ) . හිස් දාසක් අතරින් ඇගේ රුපය ෆෝකස් කරන එක මට කජ්ජක් නොවේ . මගේ මිතුරන් තිදෙනාද මුන ගැසී ඇයව සෙවීමට පටන් ගත්තෙමු . පංති ශාලාවේ , කැන්ටිමේ , පාරේ , ඩෙස් යට සෑම තැනම බැලුවෙමි .
චටාස් .... !!!! අප සතර දෙනාම ශබ්දයක් ආ දිශාව හෙව්වෙමු . " චටාස් ....!!!!! " කොල්ලන් වටවී සිටියි . අප සතර දෙනාද හනි හනිකට දුව ගියේ චීත්තය දැක බලා ගැනීමටය .
දුටුවේ බයානක දෙයකි , ඒ එව්ලන ස්වරූපයෙන් සිටින ධනුකය . උදේශිකාගෙ පෙම්වතාය . දකුනතේ මස්පිඩු තරගයට සෙලවෙයි . දෑසද රත් පැහැයට හැරවී ඇත . දෑසේ ඇත්තේ පලිගෑනීමේ ස්වරුපයකි . මුහුනෙන් දාඩිය වැගිරෙයි , පසෙකින් උදේශිකාගේ විලාප ශබ්දයද ඇසුනි .
" අනේ ඇති ධනුක ... ප්ලීස් නවත්තන්න අනේ . හොදටම ඇති .... ඇය කෑ ගසයි , නමුත් ඔහු නවත්වන පාටක් නම් නැත .
චටාස් ....!! පටාස් ...!!! ගැහැනු ලමුන් එකිනෙකා මුහුනු දෙස බලාගයි ,, අපටද එම දර්ශනය හරියටම දැක ගත හැකි වූවෙ අසල තිබූ පඩියකට නැගීමෙන් අනතුරුවය . අප හතර දෙනාම දැක්ක දර්ශනයෙන් ත්‍රස්ත වූහ .
ඔහුගේ එක් අතක කලු ගලකි , බිමද තව කලු ගලකි . එහි මැද චීන පටස් කරලකි . ඔහු හිදගෙන චීන පටස් පුපුරවයි . මුත් එක්තරා පිස්සෙකි මට සිතුනේ එයයි .
කෙසේ හෝ සුපුරුදු පරිදි අප පිටුපස පෝලිම් වල අසුන් ගත්තෙමු . දිල්ශාන් සහ මම වෙනදා මෙන් බොරු දොඩමින් සිටියෙමු . උදෙශිකා සිටියේ අපට ඩෙස් තුනක දුරකිනි . චීනපටස් ධනුකද පෙනෙන මායිමක නැත .දේශකයාද දේශනා අරගෙන යයි . කිසිවක් ඔලුවට එන්නේ නැත . පංතිය අවසන් වන තුරුම ඇගේ ඉටි රුවට මං පෙම් බැන්දෙමි . සියල්ලන් පිටවෙන තුරු වෙනදා මෙන් අප සිටියෙමු . මෙවර ඇය මා දුටුවාය . ඇය කට කොනකින් සිනා උනාය , මමද ලෝභ නැතුව මගේ දත් තිස් දෙකම එලියට දාගෙන ඇයට සිනාවක් පෑවෙමි . මම විගසින් බැලුවේ ඇගේ ඩෙස් පෝලිම දෙසය . ඒ ඇයට කිසියම් හෝ දෙයක් අමතක වී ඇත්දැයි බැලීමටය . මට වඩා භාතිය ඉකමන් වී සිටියේය , නමුත් ඔහුද පරාජිත ස්වරූපයෙන් බිම හොවාගෙන සිටියේය . නැවත මා ඇය දෙසට හැරී බලන විට අය එතන නොමැත .
විගසින් භතියත් සමග ශාලාවෙන් පිටතට පැන ගැනීමට මට හැකිවුනි .
" අර ඉන්නෙ බං " භාතිය අත දිගුකර මට පෙන්වූයේ හංසියක් මෙන් ටවුම දෙසට ඇදෙන ඇගේ ශරීර කුඩුවයි . ඇය සීටින ඉසව්වෙන් ටවුමට දුරය . නමුත් මම භාතියත් සමග ඒ දෙසට ඇදුනෙමි .
" ඒයි .. දන් නැ වගේ යනවනේ .... " ඇයව පසු කරනවාත් සමග මට එය ඇසුනි . මම විගසින් නැවතුනෙමි ..
" ඉතින් ජිමී කොහමද .... ?? " සිනා මුසු මුහුනෙන් මගෙන් විමසුවේ උදේශිකාය .
" ඉන්නව අ , අ ,, ඇයි මෙතන " මං කලබලෙන් කටට ආ වචන ටික පිට කෙරුවෙමි ....
" අයිය එනකන් ඉන්නව ..." ඇය සිහින් හඩින් දෙඩුවාය . එවිටම භාතිය මගේ අතින් මිරිකනව මට දැනුනි . මටද සීන් එක වැටහුනි . බැරි වෙලාවත් උදේශිකාගෙ අයියා කාරයා ලාවට හරි දැක්කොත් රබ කෑමකි .
" ම්ම් එහෙනම් මං ගිහින් එන්නම් " එසේ පවසමින් මගෙයි ඇගෙයි ෆේස් ටු ෆේස් සිදුවූ වචන හුවමාරුව නිමාවිය . ටවුම දෙසට මායි භාතියයි ලෑල්ලට පෑගුවේ බේබි මහත්තයාගෙ බාර් එකට යෑමටය . මොකද අපි හතර දෙනාට කුනු ඇලේ පොට් එකේ ලොකු වැඩක් ඇති හෙයිනි.
------------------------------------------------ මතු සම්බන්දයි---------------------------------------------------------------------------------------------------------------------------------------------------------
No comments:
Post a Comment